ఆసియాలోనే పెద్ద చెరువు నిండింది Biggest Lake in Asia

మనం ఇప్పుడు ఆసియాలోనే పెద్ద చెరువుగా పిలువబడే కంభం చెరువు గురించి తెలుసుకోబోతున్నాము.

కంభం చెరువు (Cumbum Lake)

ఆంధ్రప్రదేశ్‌లోని ప్రకాశం జిల్లా కంభం గ్రామానికి ఆనుకొనే ఉంది ఈ చెరువు. ఇది 15 శతాబ్దంలో విజయనగర రాజుల కాలంలోని మహారాణి వరదరాజమ్మ గారు గుండ్లకమ్మ నది ఆనుకొనే ఈ చెరువు నిర్మించారని చరిత్ర చెబుతుంది. ఇది ఆసియాలోనే పేరుగాంచిన పెద్ద చెరువులలో ఇది ఒకటి . దీని చుట్టూ సహజ సిద్ధమైన కొండలు ఉండడంతో ఒక ఆనకట్టతో దీని నిర్మాణం జరిగింది. అప్పట్లోనే ఈ చెరువు ఆనకట్ట ఎత్తు 57 అడుగులు. అందువల్ల ఇప్పటికీ ఇది చెక్కుచెదరకుండా చెరువు నిండడానికి ఉపయోగపడుతుంది.

పిక్నిక్‌ స్పార్ట్ (Picnic Spot)

ఆసియాలోనే పెద్ద చెరువు కాబట్టి ఇక్కడికి పెద్ద సంఖ్యలో సందర్శకులు వస్తుంటారు.  ప్రతి సంవత్సరం వర్షాకాలంలో ఈ చెరువు కు  కాస్త నీరు చేరుతుంది. అయితే ఈ సంవత్సరం  నిండుకుండలా నిండిపోవడంతో చూడడానికి సందర్శకులు వేల సంఖ్యలో వస్తున్నారు. అయితే ప్రభుత్వపరంగా ఎటువంటి వసతులు లేకపోయినప్పటికి సందర్శకులు తాకిడి ఎక్కువే. ఇక్కడికి చేరడానికి  సమీపంలో గుంటూరు-నంద్యాల రైల్వే లైన్‌లో  కంభం రైల్వేస్టేషన్‌, బస్‌ ద్వారా కూడా చేరుకోవచ్చు.

నిండుకుండలా మారిన కంభం చెరువు (Fulfill Cumbum Lake)

ఈ సంవత్సరం విస్తారంగా కురుస్తున్న వర్షాలతో కంభం చెరువు నేడు నిండుకుండలా మారింది. సందర్శకులు ఈ ఆహ్లాదకర దృశ్యాన్ని చూడడానికి వేల సంఖ్యలో వస్తున్నారు.

ఈ చెరువు నిండడం అంటే... కంభం చుట్టుప్రక్కల మండలాల రైతులకు ఎంతో సంతోషకరమైన వార్త. మీకు వీలుంటే వీకెండ్ లో ఒకసారి వెళ్లి రావచ్చు. 

ఈ ఆర్టికల్ మీకు నచ్చితే కామెంట్ చేయండి. షేర్ చేయండి.